Sigþór Einarsson ráðinn aðstoðarforstjóri Icelandair Group

Sigþór Einarsson hefur verið ráðinn aðstoðarforstjóri Icelandair Group.

Sigþór mun starfa við hlið Björgólfs Jóhannssonar, forstjóra, og bera

ábyrgð þeim fyrirtækjum í samstæðunni sem einkum annast alþjóðlegt

leiguflug, útleigu flugvéla og flugvélaviðskipti, en það eru fyrirtækin

Loftleiðir-Icelandic, Bluebird Cargo, Icelease, Latcharter í Lettlandi,

Travel Service í Tékklandi, eftir því sem fram kemur í tilkynningu frá Icelandair Group.

Sigþór hóf störf hjá Icelandair Group í apríl 1996 og vann þá að stefnumótun og áætlanagerð. Hann var ráðinn forstöðumaður rekstrarstýringarsviðs í maí 1999. Sigþór var ráðinn

framkvæmdastjóri Loftleiðir-Icelandic við stofnun þess í janúar 2002 og svo framkvæmdastjóri þróunar og stefnumótunar hjá Icelandair Group í mars 2006.

Sigþór er með M.Sc. próf í iðnaðarverkfræði og stjórnun (Diplom

Wirtschaftsingeneur) frá Darmstadt háskóla, Þýskalandi.