Viðar verður fjármálastjóri FL Group

Viðar Þorkelsson, núverandi fjármálastjóri 365, hefur verið ráðinn framkvæmdastjóri fjármálasviðs FL Group í stað Sveinbjörns Indriðasonar sem er hættur eins og Vísir greindi fyrst frá í dag.

Jafnframt kom fram í tilkynningunni að Júlíus Þorfinnsson muni veita samskiptasviði FL Group forstöðu en eins og Vísir greindi frá í dag þá mun Halldór Kristmannsson, forstöðumaður samskiptaviðs einnig hætta störfum.

Í fréttatilkynningu frá 365 kemur fram að Viðr muni láta af störfum 15. mars næstkomandi. Jafnframt er þess getið að ekki hafi verið ráðið í stöðu Viðars.