Madelaine leitað

Portúgalska lögreglan hefur sett aukinn kraft í leitina að hinni fjögurra ára gömlu Madeleine McCann sem var rænt af hótelherbergi fyrir rúmlega þremur mánuðum.

Nú stendur aftur yfir leit á heimili og lóð Roberts Murat sem er sá eini sem opinberlega hefur verið grunaður um að hafa rænt Madeleine. Hann neitar allri sök og segist fagna leitinni, þar sem hún gæti hreinsað nafn hans.

Móðir Madeleine hefur undanfarið ítrekað hversu mikið hún sér eftir því að hafa skilið dóttur sína eftir á hótelherberginu á meðan hún og maður hennar fengu sér kvöldmat.