Kinnbeinin orsökuðu hrakfarir

Kínverskur maður lét minnnka kinnbeinin í lýtaaðgerð til að eiginkonan myndi lifa lengur. Spákonur sögðu Lang Qiang að konan myndi deyja á undan honum, vegna kinnbeinanna. Lang var sannfærður um að það væri rétt þar sem konan var einstaklega óheppin, en hann ekki.

Konan hafi meðal annars dottið í stiga á heimilinu og brákað fæturnar, hann hafði aldrei dottið í stiganum. Í annað skipti hafi hún staðið á bekk sem brotnaði. Hann hafi oft staðið á bekknum án þess að hann brotnaði.

Lang er 48 ára. Hann ákvað að koma konu sinni á óvart og binda enda á ófarir hennar með því að fara í lýtaaðgerð.

Fréttastofa Ananova hefur eftir Lang að hann hafi sagst vera að fara í tíu daga viðskiptaferð.

Aðgerðin gekk vel en skurðlæknirinn ráðlagði Lang að hætta að vera hjátrúarfullur.