Britney búin að eignast ,,vin”

Partíprinsessan Britney Spears dvelur nú sem kunnugt er á meðferðarheimili eftir að hún náði botninum þegar hún rakaði af sér hárið og fékk sér tattoo.

Britney ku vera búin að eignast góðan vin í meðferðinni, hann Jason Filyaw, gítarleikara hljómsveitarinnar RIVA. Jason þessi er 33 ára en samkvæmt heimildum fréttasíðunnar TMZ vildi hann ekki staðfesta að þau væru að hittast en sagðist engu að síður elska Britney. Það er því spurning hvort hann elskar hana sem vin, eða hvort það sé eitthvað meira sem liggur að baki.

Britney og Jason eru sögð kalla hvort annað gælunöfnum í meðferðinni. Jason kallar Britney Sykur, Kisu og dömuna sína en Britney kallar hann Herra leynilega neðanjarðarmanninn og J-Sun.