Enn ófremdarástand í Nörrebro

Átökin í Kaupmannahöfn hafa nú breiðst út um Nörrebro. Ungmenni hafa kveikt elda víða um hverfið, reist vegatálma og tekið sér bólsetu í gömlum skóla. Lögregla notar nú táragas. Fólk á staðnum segir að stríðsástand ríki þar sem það er ástandið er hvað verst.

Um 100 manns hafa tekið sér bólfestu í gömlum skóla við Blagardsgade og hafa brotið rúður í honum. Mestur er fjöldinn í Folkets Park og er talið að um 1.000 manns hafi verið þar um tíu í kvöld að íslenskum tíma. Lögregla reynir nú allt hvað hún getur til þess að dreifa úr hópnum.

Sólrún María Reginsdóttir, íslensk stúlka sem er í námi í Danmörku og býr á svæðinu, var á leið heim til sín um svipað leiti í kvöld. Hún sagði í samtali við Vísi að hún hefði fengið snert af táragasi sem lögreglan hafði notað gegn mótmælendum. Henni varð þó ekki meint af þar sem gasið hafði þynnst nógu mikið.