Tveir grunaðir um sprengjuárás

Lögreglan í Indlandi hefur sent fjölmiðlum þar í landi teiknaðar myndir af tveimur mönnum sem yfirgáfu lestina sem var ráðist á í gær. Þeir eru grunaðir um að hafa komið fyrir sprengjum í lestinni. Að minnsta kosti 67 létu lífið í sprengjuárásinni en tvær sprengjur sprungu um borð í lestinni. Mikill eldur braust síðan út í henni.

Samkvæmt frásögnum eftirlifandi fórnarlamba stukku mennirnir tveir frá borði tæpum fimmtán mínútum áður en sprengjurnar sprungu. Lögreglan skýrði frá þessu á fréttamannafundi í morgun.