Einn handtekinn vegna flugráns

Spænsk yfirvöld sögðu frá því rétt í þessu að einn maður hefði verið handtekin eftir að flugvél sem var rænt lenti á flugvellinum á Kanaríueyjum. Lögregla á Kanaríeyjum hefur nú náð vélinni á sitt vald. Áður hafði verið sagt frá því að skothríð hefði átt sér stað í flugvélinni. Einhverjir slösuðust í henni en ekki var vitað hversu margir.

Vélinni var rænt í innanlandsflugi í Máritaníu og kom við í Vestur-Sahara á leið sinni til Kanaríeyja. Vélin var af gerðinni Boeing 737. Ekki er vitað hversu margir voru um borð eða hvað flugræningjanum gekk til.