Vetrarríkið veldur usla

Mikið vetrarríki hefur sett samgöngur í norðaustanverðum Bandaríkjunum algerlega úr skorðum undanfarna daga. Snjó hefur kyngt niður en einnig hefur blásið hressilega. Hundruðum flugferða hefur verið aflýst og skólar og ýmsar stofnanir hafa að mestu verið lokaðar. Ástandið á þjóðvegum landsins hefur jafnframt verið afar slæmt. Einn versti áreksturinn náðist á myndband en þá keyrði póstflutningabíll á mikilli ferð á fólksbíl á hraðbraut í Ohio. Þótt ótrúlegt megi virðast sluppu allir án alvarlegra meiðsla úr árekstrinum.