35 létu lífið í átökum í Kongó

Fleiri en 35 manns létu lífið í Kongó í dag á átökum á milli stuðningsmanna Jean-Pierre Bemba og öryggissveita ríkisstjórnarinnar. Bemba tapaði forsetakosningum fyrir Joseph Kabila á síðasta ári. Stuðningsmenn Bemba voru hins vegar að mótmæla úrslitum fylkistjórakosninga í Kongó, sem fram fóru í janúar, en fylgismenn Kabila unnu stórsigur í nær öllum fylkjum landsins.

Stjórnarandstaðan, með Bemba í broddi fylkingar, hefur ásakað fylgismenn Kabila um að nota mútur til þess að sigra í kosningunum. Þeir hafa harðneitað ásökunum.