Frakkar unnu auðveldan sigur á Úkraínu

Frakkar voru ekki í vandræðum með að vinna Úkraínumenn í fyrsta leik sínum á HM í handbolta í dag og unnu sannfærandi sigur 32-21 eftir að hafa leitt 17-8 í hálfleik. Þessar þjóðir leika í B-riðli með okkur Íslendingum í Magdeburg.

Nikola Karabatic var markahæstur í liði Frakka í dag og skoraði 6 mörk, Luc Abalo skoraði 5 mörk og Bertrand Gille, Daniel Narcisse, Guillaume Gille og Cedric Burdet skoruðu allir 3 mörk hver í jöfnu og gríðarlega sterku liði Frakka. Vitali Nat skoraði 6 mörk fyrir Úkraínumenn og Jewgeni Gurowski skoraði 4 mörk.