Auðveldur sigur hjá íslenska liðinu í fyrsta leik

Íslenska landsliðið vann í dag auðveldan stórsigur á því ástralska 45-20 í fyrsta leik sínum á HM í handbolta, en leikið var í Magdeburg. Guðjón Valur Sigurðsson var markahæstur í íslenska liðinu með 15 mörk úr 16 skotum, Alexander Petersson 8 og þeir Logi Geirsson og Ásgeir Örn Hallgrímsson 5.

Leikurinn var eign íslenska liðsins frá upphafi, liðið komst í 7-0 og leiddi 26-9 í hálfleik. Ástralar lögðuðu stöðuna vel í upphafi þess síðari, en sigur íslenska liðsins var aldrei í hættu. Birkir Ívar Guðmundsson stóð vaktina í íslenska markinu í fyrri hálfleik og varði þá 14 skot, en Hreiðar Guðmundsson varði 8 skot í þeim síðari. Næsti leikur íslenska liðsins er á morgun gegn Úkraínu klukkan 17, en sá leikur er gríðarlega þýðingarmikill upp á framhaldið í keppninni.