Airbus A-380 æfir erfiðar lendingar í Keflavík

Komið var með hina glænýju risaþotu Airbus til Íslands í dag í annað sinn á skömmum tíma til að prófa hvernig þessi stærsta farþegaþota heims reynist í erfiðum hliðarvindslendingum.

Það er greinilegt að Airbus-flugvélaverksmiðjurnar sjá að minnsta kosti tvo kosti við Suðurnesin. Þar sé annarsvegar að finna flugbrautir sem hæfi flugprófunum á stærstu farþegaþotu heims og hins vegar blási vindar þar svo vel að það réttlæti fjögurra stunda flug alla leið frá suðurströnd Frakkland, til þess eins að reyna flugtök og lendingar í hliðarvindi. Airbus A380, þetta flaggskip evrópskrar flugvélaframleiðslu, var einnig send hingað til lands í sömu erindum í nóvembermánuði. Þotan kom til landsins laust fyrir hádegi og æfðu flugmenn lendingar í nærri tvær stundir áður en þeir sneru aftur til Frakklands. Airbus vonast nú til að hægt verði að byrja að afhenda flugfélögum fyrstu eintök þotunnar þegar í haust og þær fari þá í almennt farþegaflug en alls hafa 166 eintök verið pöntuð. Þótt þær geti borið allt að 850 farþega er almennt búist við að flugfélög hafi um 550 sæti í vélinni.

Það er greinilegt að Airbus-flugvélaverksmiðjurnar sjá að minnsta kosti tvo kosti við Suðurnesin. Þar sé annarsvegar að finna flugbrautir sem hæfi flugprófunum á stærstu farþegaþotu heims og hins vegar blási vindar þar svo vel að það réttlæti fjögurra stunda flug alla leið frá suðurströnd Frakkland, til þess eins að reyna flugtök og lendingar í hliðarvindi. Airbus A380, þetta flaggskip evrópskrar flugvélaframleiðslu, var einnig send hingað til lands í sömu erindum í nóvembermánuði. Þotan kom til landsins laust fyrir hádegi og æfðu flugmenn lendingar í nærri tvær stundir áður en þeir sneru aftur til Frakklands. Airbus vonast nú til að hægt verði að byrja að afhenda flugfélögum fyrstu eintök þotunnar þegar í haust og þær fari þá í almennt farþegaflug en alls hafa 166 eintök verið pöntuð. Þótt þær geti borið allt að 850 farþega er almennt búist við að flugfélög hafi um 550 sæti í vélinni.