Frakklandsforseti fékk hamborgara og pylsur

Vel fór á með George Bush Bandaríkjaforseta og Nicolas Sarkozy forseta Frakklands í gær. Þjóðarleiðtogarnir tveir hittust á óformlegum fundi heimili Bush-fjölskyldunnar í Main í Bandaríkjunum. Bush fóðraði frakklandsforseta á hamborgurum og grillpylsum og þeir fóru í siglingu sér til skemmtunar.

Samskipti Bandaríkjamanna og Frakka hafa verið nokkuð stirð frá því í aðdraganda Íraksstríðsins sem Frakkar voru andvígir. Nú virðist þó annað upp á teningnum enda hefur nýr Frakklandsforseti gert bandarískum stjórnvöldum það ljóst að þau geti treyst á vináttu sína við Frakka.