Norðmenn afar óhressir með dómgæsluna

Norsku landsliðsmennirnir voru mjög ósáttir við störf þýsku dómarana sem dæmdu leik þeirra við Dani í gær, en tap norska liðsins þýddi að liðið sat eftir og komst ekki í milliriðil á mótinu.

Frank Loke var einn þeirra sem létu mest í sér heyra eftir leikinn og sagði í samtali við VG í Noregi að sér hefði fundist halla verulega á norska liðið í leiknum. "Dómararnir voru klárlegar að falla Dönum í vil hvað eftir annað og þjálfarinn var alveg sammála mér með það," sagði Loke.

Gunnar Pettersen þjálfari vildi ekki taka svo djúpt í árina, en sagði að ekkert lið gæti náð sér á strik ef þrír leikmenn þess fengju þrjár 2 mínútna brottvísanir á fjórum mínútum.

Ulrik Wibek, þjálfari Dana, var ekki sáttur við þessar fullyrðingar Norðmanna. "Ég veit ekki hvernig þið fáið það út að dómararnir hafi verið á okkar bandi," sagði hann eftir leikinn.