Tap fyrir Pólverjum

Íslenska landsliðið tapaði í kvöld 35-33 fyrir Þjóðverjum í milliriðli 1 á HM. Íslenska liðið hafði yfir í hálfleik 14-12, en Pólverjar sigu framúr í lokin og tryggðu sér mikilvægan sigur. Lukkan var einfaldlega ekki á bandi íslenska liðsins í kvöld, spænsku dómararnir áttu ekki góðan dag og þá urðu þeir Logi Geirsson og Guðjón Valur fyrir meiðslum eftir fólskuleg brot Pólverja.

Mörk Íslands: Ólafur 6, Guðjón Valur 6, Róbert 6, Alexander 6, Snorri 5 og Logi 4.

Íslenska liðið er þó enn í efsta sæti riðilsins og hefur fjögur stig líkt og Þýskaland og Pólland, en Slóvenar og Frakkar eiga eftir að spila og eru bæði lið með 2 stig. Túnisar reka lestina með 0 stig.