Strákarnir sjá sjálfir um að gíra sig upp gegn Frökkum

Alfreð Gíslason landsliðsþjálfari segir íslensku landsliðsmennirnir sjái sjálfir um að gíra sig upp fyrir leikinn stóra gegn Frökkum á HM í kvöld, því þeir séu allir ósáttir við frammistöðu sína gegn Úkraínu í kvöld. Í viðtali við Ríkisútvarpið í hádeginu sagði Alfreð Frakka líklega vera með annað af tveimur bestu liðunum á mótinu.

"Það verður væntanlega ekki vandamál að hrista upp í strákunum fyrir leik kvöldsins, því við vorum að spila illa í gær þar sem markvarslan var engin, við fengum ekkert frá skyttunum okkar og gerðum einhver 18 tæknileg mistök í leiknum. Ég hef samt fulla trú á því að við förum í þennan leik í kvöld af fullum krafti og gefum allt í hann. Þetta er okkar möguleiki á að komast áfram og þó þetta sé gríðarlega stórt verkefni, erum við ekki búnir að gefast upp enn," sagði Alfreð í samtali við Adolf Inga Erlingson og bætti við að Frakkar og Króatar væru líklega sterkustu liðin á mótinu til þessa að sínu mati.