Nýtt Blek

Nýtt hefti af myndasögublaðinu Blek er komið út en það ber nú heitið Neo-Blek. Þetta er tólfta blaðið í hinni merku útgáfu íslenskra myndasögusmiða og hefur útgáfa þess ekki notið nægilegrar athygli.

Blaðið er 60 bls. í svart/hvítu. Meðal efnis í blaðinu að þessu sinni er viðtal við Bjarna Hinriksson. Lesendur kynnast frekari ævintýrum Jakobs. Yfir honum hvílir bölvun sem tekur engan enda. Nýr söguhöfundur er kominn frá Austfjörðum til að kynna fyrir okkur nýju hetjuna sína sem hjálpar fátækum á götum stórborga.

Blaðið er til sölu í Nexus og hjá Froskur-útgáfu.