Greið leið Ástrala á HM

Ekki er hægt að segja að leið Ástrala á HM í handbolta hafi verið sérlega grýtt, en liðið lék í riðli með grönnum sínum frá Nýja-Sjálandi og Cook-eyjum í undankeppninni. Það væri vægt til orða tekið að segja að Ástralir hafi haft yfirburði í riðlinum, því liðið lagði Nýja-Sjáland 41-14 og Cook-eyjar 63-5, eftir að hafa verið með 31-1 forystu í hálfleik.

Það er því óhætt að segja að leið liðanna sem taka þátt í HM hafi verið ansi misjöfn, en þjóðirnar í suðri eru líklega þekktari fyrir ruðningsíþróttina en handboltann.