Valgerður til Úkraínu

Valgerður Sverrisdóttir, utanríkisráðherra heldur á morgun í fjögurra daga opinbera heimsókn til Úkraínu í boði Borys Tarasjúk, utanríkisráðherra Úkraínu.

Í heimsókninni mun Valgerður hitta Viktor Jústsjenskó forseta, Viktor Janúkóvitsj forsætisráðherra og Borys Tarasjúk, utanríkisráðherra, auk þess sem ráðherra fer í heimsókn í úkraínska þingið í boði forseta þess, Oleksandr Moroz. Þá leiðir utanríkisráðherra viðskiptanefnd sem skipuð er fulltrúum 23 íslenskra fyrirtækja.