Gæti styst um 20 kílómetra

Leiðin milli Reykjavíkur og Akureyrar gæti styst um allt að 20 kílómetra.

Í svari við fyrirspurn Halldórs Blöndal, Sjálfstæðisflokki, segir samgönguráðherra að við endurskoðun samgönguáætlunar séu til skoðunar þrír staðir á leiðinni milli Reykjavíkur og Akureyrar vegna hugsanlegrar styttingar á hringveginum.

Staðirnir eru um Grunnafjörð nálægt Akranesi, þar sem stytting gæti orðið um einn kílómetri, um Svínavatn í Austur-Húnavatnssýslu þar sem stytting gæti orðið um sextán kílómetrar og í Skagafirði þar sem stytting gæti orðið 2–3 kílómetrar.