Karlmaður á fimmtugsaldri rændi gínu úr verslun í Reykjavík í vikunni. Hann var þó handtekinn stuttu síðar í miðborginni og gínunni komið aftur á sinn stað.
Við leit á manninum fannst einnig töluvert magn af öðrum varningi sem hann átti í erfiðleikum með að gera grein fyrir.
Að sögn lögreglu gaf maðurinn þær skýringar á gínustuldinum að hann væri einfaldlega kvenmannslaus og ætlaði gínunni að fylla það tóm.
