Velferðarmál sett í öndvegi 21. júlí 2006 06:45 David Cameron Leiðtogi breska Íhaldsflokksins á fundi um framtíðarmál í London í gær. MYND/AP David Cameron, leiðtogi breska Íhaldsflokksins, leggur þessa dagana mikla áherslu á velferðarmál. Hann reynir hvað hann getur til að skapa sér mýkri ímynd, sem er verulega frábrugðin hörkulegri ímynd sumra forvera hans á leiðtogastólnum, ekki síst „járnfrúarinnar“ Margrétar Thatcher. Í gær sagði hann í ræðu að Íhaldsflokkurinn legði nú jafn mikla áherslu á almenna velferð, eða „General Well Being“, sem hann skammstafaði „GWB“, og á „GDP“, sem táknar verga þjóðarframleiðslu. Stuðningsmenn Camerons innan flokksins telja fullvíst að hin milda íhaldsstefna leiðtogans muni tryggja honum forsætisráðherraembættið að loknum næstu þingkosningum, en gagnrýnendur hans segja flokkinn orðinn allt of mjúkan og bitlausan til þess að það geti skilað nokkrum árangri. „Að bæta velferðarskyn þjóðfélagsins er að mínu mati mikilvægasta pólitíska verkefni okkar tíma,“ sagði Cameron meðal annars í ræðu sinni í gær. Íhaldsflokkurinn gerði Cameron að leiðtoga sínum í desember síðastliðnum. Hann lofaði því að gera verulegar breytingar á flokknum til þess að afla honum aukins fylgis. Flokkurinn hefur ekki sigrað í þingkosningum frá árinu 1992 og skipt fjórum sinnum um leiðtoga á þessum tíma. Cameron sagðist ætla að hætta að einblína á markaðsfrelsi og baráttu gegn glæpum, og færa flokkinn nær miðju stjórnmálanna. Hann fór að tala um umhverfismál, sem flokkurinn hafði ekki látið sig mikið varða. Hann hjólar í vinnuna og hefur fengið leyfi til að setja upp vindmyllu á þaki hússins síns til þess að framleiða rafmagn handa sér. Hann lét sig hafa það að koma fram í umdeildum sjónvarpsþætti þar sem hann var spurður hvort hann hefði einhvern tímann dreymt kynferðislega drauma um Margaret Thatcher, en tókst að koma sér hjá því að svara þeirri spurningu. Jafnt harðlínumenn á hægri væng Íhaldsflokksins sem andstæðingar hans í Verkamannaflokknum hafa óspart gert grín að honum fyrir þessar áherslur, en engu að síður hafa þær skilað flokknum nokkru fylgi í skoðanakönnunum. Bilið á milli Íhaldsflokksins og Verkamannaflokksins hefur minnkað. Erlent Mest lesið Ákærðar fyrir að auglýsa vændi en kaupendurnir ekki Innlent Grindvíkingum blöskrar umræðan í Vikunni Innlent Jón biðst innilegrar afsökunar á umræðu um Grindavík Innlent Nauðgaði sofandi kærustu sem hafði ítrekað verið brotið gegn Innlent Hafi tekið bílstjórann hálstaki meðan hann lá á flautunni Innlent Dómstólar neita Jóni Óttari um að fá afhenta haldlagða muni Innlent Okkar borg – Þvert á flokka tekur slaginn í borginni Innlent „Það endaði bara með því að það var brotið á börnunum okkar“ Innlent Forsætisráðherra Frakklands segir af sér Erlent Sektuð í gjaldfrjálsu stæði og sneri vörn í sókn Innlent Fleiri fréttir Gisèle Pelicot aftur í réttarsal Fá Nóbelinn fyrir ónæmisrannsóknir sínar Bein útsending: Hver fær Nóbelsverðlaunin í læknisfræði? Forsætisráðherra Frakklands segir af sér Viðræður um frið á Gasa hefjast í dag Nýskipaðri ríkisstjórn þegar hótað vantrausti Stórtap Air Greenland vegna aflýstra flugferða til Nuuk Tæplega þúsund manns innlyksa á Everest Látinn eftir skotárás í Kaupmannahöfn Sögð vafin í ísraelska fánann og veifað um eins og verðlaunagrip Fjögurra manna fjölskylda meðal látinna Sendir þjóðvarðliðið til Chicago Segja stutt í samkomulag en sprengjum rignir enn Skoðanabróðir Orbans og Fico vinnur kosningar í Tékklandi Þrjátíu særðust í drónaárás á farþegalest Fjöldi án rafmagns vegna vonskuveðurs í Noregi Þrettán ára grunaður um aðild að skotárás Var að streyma á TikTok þegar hann féll til jarðar og lést Loftárásir í kjölfar ákalls Trumps Flogið á ný í München eftir mögulegt drónaflug Skipar Ísraelum að hætta að sprengja Hamasliðar tilbúnir að sleppa gíslum og láta völd af hendi Hótar helvíti á jörð samþykki Hamas ekki tillögurnar Vísa frá máli á hendur skipverjum sem voru taldir hafa slitið sæstrengi „Það vill enginn spila eftir reglum sem eru samdar annars staðar“ Rekja andlát dóttur að hluta til samsæriskenninga móður Fyrsta konan sem verður erkibiskupinn af Kantaraborg Diddy í fimmtíu mánaða fangelsisvist Einn hinna látnu skotinn af lögreglu og annar særður Finna mikla nálykt frá rústunum Sjá meira
David Cameron, leiðtogi breska Íhaldsflokksins, leggur þessa dagana mikla áherslu á velferðarmál. Hann reynir hvað hann getur til að skapa sér mýkri ímynd, sem er verulega frábrugðin hörkulegri ímynd sumra forvera hans á leiðtogastólnum, ekki síst „járnfrúarinnar“ Margrétar Thatcher. Í gær sagði hann í ræðu að Íhaldsflokkurinn legði nú jafn mikla áherslu á almenna velferð, eða „General Well Being“, sem hann skammstafaði „GWB“, og á „GDP“, sem táknar verga þjóðarframleiðslu. Stuðningsmenn Camerons innan flokksins telja fullvíst að hin milda íhaldsstefna leiðtogans muni tryggja honum forsætisráðherraembættið að loknum næstu þingkosningum, en gagnrýnendur hans segja flokkinn orðinn allt of mjúkan og bitlausan til þess að það geti skilað nokkrum árangri. „Að bæta velferðarskyn þjóðfélagsins er að mínu mati mikilvægasta pólitíska verkefni okkar tíma,“ sagði Cameron meðal annars í ræðu sinni í gær. Íhaldsflokkurinn gerði Cameron að leiðtoga sínum í desember síðastliðnum. Hann lofaði því að gera verulegar breytingar á flokknum til þess að afla honum aukins fylgis. Flokkurinn hefur ekki sigrað í þingkosningum frá árinu 1992 og skipt fjórum sinnum um leiðtoga á þessum tíma. Cameron sagðist ætla að hætta að einblína á markaðsfrelsi og baráttu gegn glæpum, og færa flokkinn nær miðju stjórnmálanna. Hann fór að tala um umhverfismál, sem flokkurinn hafði ekki látið sig mikið varða. Hann hjólar í vinnuna og hefur fengið leyfi til að setja upp vindmyllu á þaki hússins síns til þess að framleiða rafmagn handa sér. Hann lét sig hafa það að koma fram í umdeildum sjónvarpsþætti þar sem hann var spurður hvort hann hefði einhvern tímann dreymt kynferðislega drauma um Margaret Thatcher, en tókst að koma sér hjá því að svara þeirri spurningu. Jafnt harðlínumenn á hægri væng Íhaldsflokksins sem andstæðingar hans í Verkamannaflokknum hafa óspart gert grín að honum fyrir þessar áherslur, en engu að síður hafa þær skilað flokknum nokkru fylgi í skoðanakönnunum. Bilið á milli Íhaldsflokksins og Verkamannaflokksins hefur minnkað.
Erlent Mest lesið Ákærðar fyrir að auglýsa vændi en kaupendurnir ekki Innlent Grindvíkingum blöskrar umræðan í Vikunni Innlent Jón biðst innilegrar afsökunar á umræðu um Grindavík Innlent Nauðgaði sofandi kærustu sem hafði ítrekað verið brotið gegn Innlent Hafi tekið bílstjórann hálstaki meðan hann lá á flautunni Innlent Dómstólar neita Jóni Óttari um að fá afhenta haldlagða muni Innlent Okkar borg – Þvert á flokka tekur slaginn í borginni Innlent „Það endaði bara með því að það var brotið á börnunum okkar“ Innlent Forsætisráðherra Frakklands segir af sér Erlent Sektuð í gjaldfrjálsu stæði og sneri vörn í sókn Innlent Fleiri fréttir Gisèle Pelicot aftur í réttarsal Fá Nóbelinn fyrir ónæmisrannsóknir sínar Bein útsending: Hver fær Nóbelsverðlaunin í læknisfræði? Forsætisráðherra Frakklands segir af sér Viðræður um frið á Gasa hefjast í dag Nýskipaðri ríkisstjórn þegar hótað vantrausti Stórtap Air Greenland vegna aflýstra flugferða til Nuuk Tæplega þúsund manns innlyksa á Everest Látinn eftir skotárás í Kaupmannahöfn Sögð vafin í ísraelska fánann og veifað um eins og verðlaunagrip Fjögurra manna fjölskylda meðal látinna Sendir þjóðvarðliðið til Chicago Segja stutt í samkomulag en sprengjum rignir enn Skoðanabróðir Orbans og Fico vinnur kosningar í Tékklandi Þrjátíu særðust í drónaárás á farþegalest Fjöldi án rafmagns vegna vonskuveðurs í Noregi Þrettán ára grunaður um aðild að skotárás Var að streyma á TikTok þegar hann féll til jarðar og lést Loftárásir í kjölfar ákalls Trumps Flogið á ný í München eftir mögulegt drónaflug Skipar Ísraelum að hætta að sprengja Hamasliðar tilbúnir að sleppa gíslum og láta völd af hendi Hótar helvíti á jörð samþykki Hamas ekki tillögurnar Vísa frá máli á hendur skipverjum sem voru taldir hafa slitið sæstrengi „Það vill enginn spila eftir reglum sem eru samdar annars staðar“ Rekja andlát dóttur að hluta til samsæriskenninga móður Fyrsta konan sem verður erkibiskupinn af Kantaraborg Diddy í fimmtíu mánaða fangelsisvist Einn hinna látnu skotinn af lögreglu og annar særður Finna mikla nálykt frá rústunum Sjá meira