58 stig Kobe dugðu ekki til

Kobe Bryant átti stórleik og skoraði alls 58 stig fyrir LA Lakers í leik liðsins gegn Charlotte í NBA-deildinni í nótt. Frammistaðan var hins vegar ekki nóg til að skila Lakers sigri því að Charlotte sigraði eftir þrjár framlengingar, 133-124.

Emeka Okafor var maðurinn á bakvið sigur Charlotte en hann skoraði 22 stig en hirti jafnframt 25 fráköst. Lakers hefur nú unnið 19 leiki en tapað 11 á tímabilinu.

Af öðrum helstu úrslitum næturinnar má nefna að meistarar Miami töpuðu fyrir New Jersey, 91-81, Indiana vann nauman 93-92 sigur á Detroit þar sem Chauncey Billups, leikstjórnandi Detroit, tognaði á kálfa er óvíst hvað hann verður lengi frá.