New York - Utah í beinni á NBA TV í kvöld

Lið New York Knicks mætir undirmannað til leiks klukkan hálf eitt í nótt þegar það tekur á móti Utah Jazz í beinni útsendingu á NBA TV sjónvarpsstöðinni á Fjölvarpinu. Þeir Mardy Collins, Nate Robinson og Jared Jeffries hjá New York verða allir í leikbanni í kvöld.

New York hefur gengið illa á leiktíðinni líkt og búist var við og hefur unnið 9 leikiog tapað 17, á meðan Utah er í öðru sæti í allri deildinni með 18 sigra og aðeins 6 töp. Gengi Utah hefur komið gríðarlega á óvart í vetur og rétt að hvetja þá sem hafa gaman af einföldum en árangursríkum körfubolta að kveikja á sjónvarpstækjunum klukkan hálf eitt í nótt.