Ræða ekki mál Jónasar

Stjórn Sjómannafélags Reykjavíkur hyggst ekki taka mál Jónasar Garðarssonar, formanns félagsins, til umræðu á fundi stjórnarinnar en Jónas er ákærður fyrir manndráp af gáleysi vegna sjóslyss. Jónas er ákærður fyrir brot á hegningarlögum og siglingalögum vegna slyssins sem varð aðfaranótt laugardagsins tíunda september síðastliðinn. Þau Friðrik Ásgeir Hermannsson og Matthildur Harðardóttir létu lífið í slysinu.

 Í ákærunni segir að Jónas hafi verið undir áhrifum áfengis við stjórn skemmtibátsins Hörpu og ekki haft gát á siglingaleiðinni sem silgt var talsverðum vindi og slæmu skyggni. Stjórn Sjómannafélags Reykjavíkur hyggst ekki taka mál hans upp á stjórnarfundi og segja að málið komi ekki félaginu við enda hafi hann ekki verið við störf þegar slysið átti sér stað né hafi ákæran áhrif á störf hans fyrir félagið. Engin stjórnarmanna sem fréttastofa náði tali af í dag var tilbúin til að veita viðtal vegna málsins og það sama á við formann Sjómannasambands Íslands sem neita alfarið að tjá sig um málið.