Ástralir hafa ákveðið að leyfa einræktun á fósturvísum eftir miklar og tilfinningaríkar umræður en forsætisráðherra Ástralíu, John Howard, var á móti lögunum. Hin nýju lög gera það kleift að rannsaka hugsanlegar erfðalækningar á erfiðum sjúkdómum og fötlunum.
Áfram verður þó bannað að flytja inn eða út einræktaða fósturvísa sem og að koma þeim fyrir í líkömum lifandi vera. Mikill stuðningur við hin nýju lög er á meðal almennings en um 80% styðja þau.
Trúarlegir hópar eru þó á móti þessum lögum sem og andstæðingar fóstureyðinga.
