Pólverjar og Evrópusambandið í viðræðum

Finnski forsætisráðherran sagði í dag að ekki hefði náðst samkomulag við Pólverja en þeir hóta nú að koma í veg fyrir nýjan samstarfssamning Rússlands og Evrópusambandsins vegna banns sem Rússar hafa sett á innflutning á pólsku kjöti.

"Ég vona að við getum leyst vandamálið en við náðum engri niðurstöðu. Við áttum mjög langar viðræður og fundum enga lausn" sagði Vanhanen í kvöld eftir viðræðurnar við pólska forsætisráðherrann Jaroslaw Kaczynski. Hann sagði að hann hefði lagt fram tilboð sem pólska stjórnin væri að íhuga en vildi ekkert segja frekar um málið.