Búrka bannað í Hollandi

Hollenska ríkisstjórnin ákvað í dag að banna alklæðnað múslimakvenna, hið svonefnda Búrka, á almannafæri. Klæðnaðurinn hylur ekki aðeins allan líkama þeirra heldur einni andlit þeirra og skilur aðeins eftir göt fyrir augun.

Gera þeir þetta í nafni öryggis og almannaheil. Mikil umræða hefur myndast undanfarið á meginlandi Evrópu um hvernig megi aðlaga þá múslima sem þar búa að evrópskum samfélögum. Með þessari lagasetningu verður Holland með ein ströngustu lög er varða múslima í allri Evrópu.

Frakkar hafa bannað blæju fyrir andlit kvenna þar í landi sem og annan trúarlegan klæðnað, Bretar eru í umræðum um hvort eigi að gera það og Ítalir hafa áratugagömul hryðjuverkalög sem banna að hylja andlit sitt á almannafæri.