Johnson til Everton

Forráðamenn Everton hafa nú staðfest að félagið hafi fest kaup á framherjanum Andy Johnson frá 1. deildar liðinu Crystal Palace fyrir 8,6 milljónir punda, sem er metupphæð í sögu Everton. Johnson verður þó ekki formlega kynntur sem leikmaður Everton fyrr en á morgun.

Johnson verður einnig hæst launaðasti leikmaður Everton eftir að hann gekk frá fjögurra ára samningi sem gefur honum 40.000 pund í vikulaun. Reikna má með að Johnson komi eitthvað við sögu í leik Englendinga og Ungverja í kvöld, en sá leikur verður sýndur beint á Sýn.