Fyrsta plata Bríetar

Fyrsta sólóplata Idol-stjörnunnar Bríetar Sunnu Valdemarsdóttur er komin út. Lagið „Bara ef þú kemur með“ hefur verið eitt vinsælasta lag sumarsins og er það að sjálfsögðu að finna á plötunni.

Meðfram því að vinna við gerð plötunnar hefur Bríet Sunna skemmt vítt og breitt um landið og fengið góðar viðtökur hvar sem hún hefur komið.

Einn færasti upptökustjóri landsins, Óskar Páll Sveinsson, stýrði upptökum á plötunni. Hljóðfæraleikarar eru þeir Jóhann Hjörleifsson, Guðmundur Pétursson, Þórir Úlfarsson og Valdimar Kolbeinn Kristinsson.

Bríet Sunna syngur næst í Vestmannaeyjum á laugardaginn á hinu árlega verslunarmannaballi Eyjaskeggja.