Mætti á æfingu í gær

Roy Keane mætti á æfingu hjá Sunderland í gær ásamt stjórnarformanninum Naill Quinn. Keane var ekki þar sem leikmaður heldur er talið að Naill Quinn hafi verið að kynna hann fyrir hópnum, en Roy Keane hefur mikið verið orðaður við stöðu knattspyrnustjóra hjá Sunderland síðustu daga.

Keane hefur ekki skrifað undir samning en búist er við að það gerist þó fyrir leik Sunderland og WBA í kvöld. Ef Keane tekur við liðinu er ljóst að hans bíður erfitt verkefni en Sunderland hefur tapað fjórum fyrstu leikjum tímabilsins.