Vill aftur til Englands

Fótbolti Danski knattspyrnumaðurinn Thomas Gravesen vill leika í ensku úrvalsdeildinni á nýjan leik. Þetta sagði umboðsmaður hans, John Sivebaek, í samtali við fréttavef BBC í gær.

Sivebaek viðurkenndi að Real Madrid vilji selja Gravesen sem er bróðir Peter Gravesen, leikmann Fylkis í Árbænum. "Hann elskaði Englandi og þar sem hann er einungis þrítugur getur hann enn spilað meðal þeirra bestu. Þannig að af hverju ætti hann ekki að fara til Englands?"

Gravesen sló í gegn með Everton áður en hann fór til Madrídar en nú er hann orðaður við Newcastle.-