Breytingar á Wyndeham

Starfsemi breska prent- og samskiptafyrirtækisins Wyndeham Press Group, sem Daybreak Acquisitions Limited, dótturfélag Dagsbrúnar á 94,5 prósenta hlut í, hefur verið skipt í svið útgáfulausna og svið markaðslausna.

Svið útgáfulausna mun veita útgefendum tímarita þjónustu en svið markaðslausna þjónustar fyrirtæki á neytendavöru-, þjónustu og smásölumarkaði.

Í tilkynningu Dagsbrúnar til Kauphallar Íslands er haft eftir Paul Utting, framkvæmdastjóra Wyndeham, að markmið endurskipulagningarinnar sé að viðskiptavinir fái aðgang að prentun og samskiptalausnum á einum stað.