Haukastúlkur yfir gegn Stjörnunni

Haukastúlkur leiða gegn Stjörnunni í hálfleik, 15-7 í Meistarakeppni HSÍ í handbolta sem fram fer að Ásvöllum í dag en leikurinn hófst kl. 14.15. Ramûnë Pekarskytë og Hanna Guðrún Stefánsdóttir eru markahæstar hjá Haukum með 4 mörk hvor, Harpa Melsted, Ragnhildur Rósa Guðmundóttir og Guðbjörg Guðmannsdóttir tvö mörk hver og Erna Þráinsdóttir eitt. Hjá Stjörnunni er Jóna Margrét Ragnarsdóttir markahæst með 3 mörk og Kristín Jóhanna Clausen með tvö. Kl. 16.15 mætast Haukar og ÍR í karlaflokki.