Geta ekki séð um öryggi landsins

Írakskar öryggissveitir eru engan vegin í stakk búnar til að sjá sjálfar um öryggi landsins. Þetta kemur fram í nýrri leyniskýrslu frá Pentagon sem dagblaðið New York Times greinir frá í dag. Þar kemur fram að helmingur nýrra lögreglumanna sé enn í þjálfun og geti ekki tekið þátt í aðgerðum enn um sinn. Stór hluti þeirra sem búið sé að þjálfa séu algerir nýgræðingar og geti aðeins sinnt allra einföldustu aðgerðum. Að mati skýrsluhöfunda er útilokað að Bandaríkjamenn geti hafið brottfluttning hersins frá Írak á meðan staðan sé ekki betri en þetta.