Námskeið í reykbindindi

Næsta námskeið Krabbameinsfélagsins hefst í kvöld, miðvikudagskvöld. Fyrirkomulag námskeiðsins er þannig að þátttakendur hittast sex sinnum á fimm vikna tímabili -- og að námskeiði loknu er þátttakendum fylgt eftir í eitt ár. Á námskeiðinu verður m.a. fjallað um fíkn, nikótínlyf, langvarandi afleiðingar tóbaksneyslu, og mataræði. Leiðbeinandi er Halla Grétarsdóttir, hjúkrunarfræðingur og fræðslufulltrúi hjá Krabbameinsfélagi Reykjavíkur. Hægt er að skrá sig á hallag@krabb.is eða í síma 540 1900.