Lúxuskerra með einstaka fjöðrun

Nú á hann Cadillac Civil árgerð 1995 sem hann er búinn að eiga í tvö og hálft ár. Viðar hefur alveg sérstaka ást á Kadilökkum. "Þetta er fjórði Kadilakkinn sem ég eignast, þetta eru slíkir eðalbílar og þennan keypti ég bæði af því að hann er svo flottur og svo er þetta lúxuskerra. Það er ekki síst fjöðrunin sem er engu lík, maður finnur aldrei fyrir misfellum í veginum heldur sígur niður með bílnum eins og í dúnmjúku rúmi væri," segir hann og hlær. Kadilakkinn er að sjálfsögðu fullbúinn flottum hljómflutningstækjum og æðislegur jafnt utan sem innan með fullkominni þjófavörn. "Fók heldur gjarnan að amerískir bílar eyði svo miklu, en það er misskilningur," segir Viðar. "Á langkeyrslu er þessi bíll að eyða níu á hundraði og við erum að tala um 300 hestafla mótor. Amerískir bílar eru ekki heldur dýrir í rekstri því varahlutirnir eru ódýrari en til dæmis í japanska bíla þó að oft þurfi sérpanta í þá amerísku. Þeir fást bara úti á hlægilegu verði." Viðar veit örugglega hvað hann syngur þvi hann er búinn að vera í þessum bransa í áratugi og nýlega opnaði hann glæsilegt bílaverkstæði, AB Bremsur og viðgerðir, í Akralind 1 í Kópavogi. "Þar er ég með rúmgott og bjart húsnæði og geri við allar tegundir bíla. Þótt við höfum reyndar sérhæft okkur í bremsuviðgerðum leggjum við auðvitað áherslu á að veita góða, persónulega og ódýra þjónustu og bjóðum alla hjartanlega velkomna með biluðu bílana sína."