Tvöfalt fleiri velja Ingibjörgu

Ingibjörg Sólrún Gísladóttir nýtur rúmlega tvöfalt meiri stuðnings en keppinautur hennar um formannssæti í Samfylkingunni, Össur Skarphéðinsson, samkvæmt nýrri skoðanakönnun sem Gallup vann fyrir Mannlíf. Spurt var: "Hvort telur þú að Ingibjörg Sólrún Gísladóttir eða Össur Skarphéðinsson sé hæfari til að gegna formennsku í Samfylkingunni?". Rúm 53 prósent töldu Ingibjörgu hæfari, en rúm 28 prósent völdu Össur. Alls töldu um 18 prósent aðspurðra hvorugt þeirra hæft eða bæði jafn hæf. Úrtakið var 1.288 manns og svarhlutfall var rúm 60 prósent.