Markið sett á 2015

Hægt er að ná svokölluðum þróunarmarkmiðum árþúsundsins árið 2015 með samhentu átaki alþjóðasamfélagsins. Þetta var meðal niðurstaðna fundar um sjálfbæra þróun sem haldinn var í Delí á Indlandi dagana 3. til 6. febrúar. Ólafur Ragnar Grímsson setti fundinn sem var sóttur af fulltrúum ríkisstjórna, fyrirtækja, hagsmunasamtökum og vísindamönnum. Framsögumenn voru flestir sammála um að þróunin í átt að sjálfbærri þróun hafi gengið of hægt fyrir sig hingað til en með samhentu átaki og auknum samskiptum milli þróunarlanda og þróaðra landa megi gera skurk í þessum málum.