Bærinn skiptir sér ekki af

Kristján Þór Júlíusson, bæjarstjóri á Akureyri, segir að bærinn fái forkaupsrétt ef aflaheimildir fylgi skipi, annars sé ekki um það að ræða. Hann segir bæjaryfirvöld ekki ætla að bregðast neitt við uppsögnunum á Sléttbaki enda sé bærinn ekki í atvinnurekstri. "Atvinnurekandinn grípur bara til þeirra ráðstafana sem hann telur sig þurfa til að reksturinn geti gengið. Bærinn á ekkert að skipta sér af því enda er engin þekking til þess hjá bænum," segir Kristján Þór.