Londonárás: 52 látnir

Tony Blair, forsætisráðherra Bretlands, fordæmdi í dag hryðjuverkaárásirnar á Lundúnir í síðustu viku. Hann sagði árásirnar hörmuleg voðaverk á saklaust fólk og að ekkert hefði getað komið í veg fyrir þær. Í yfirlýsingu til neðri deildar breska þingsins sagði Blair að allt benti til þess að árásirnar hefðu verið skipulagðar af íslömskum öfgamönnum. Þá lofaði hann baráttuanda og seiglu Lundúnarbúa sem í milljóna tali hafi haldið til vinnu í dag með neðanjarðarlestum og strætisvögnum. Staðfest hefur verið að 52 létust í hryðjuverkaárásunum í Lundúnum í síðustu viku og eru 56 enn á spítala.