Loðnan fundin undan Ingólfshöfða

Loðnuskipin hafa nú fundið loðnu vestan við Ingólfshöfða eftir að hún hvarf af Austfjarðamiðum í brælunni á mánudag. Þónokkur skip eru þar nú en veður er ekki ákjósanlegt og torfurnar ekki stórar. Það er helst að afli fáist alveg upp undir fjörunni. Áður en brælan brast á fyrir austan á sunnudag var hrognafyllingin orðin það mikil að farið var að frysta svonefnda hrognaloðnu fyrir Japansmarkað. Ekki liggur fyrir hversu hrognafyllingin er mikil í loðnunni sem nú veiðist við Ingólfshöfða