Alvarlegir glæpir aukast í London

Lundúnalögreglan leggur nú á ráðin um að koma á fót sérstakri deild innan lögreglunnar til að sporna við sívaxandi tíðni alvarlegra glæpa sem framdir eru af fólki frá Suður-Asíu. Þrjátíu og átta morð voru framin í London af Suður-Asíubúum á síðasta ári sem er næstum fjórfalt meira en fyrir áratug. Fjöldi mannrána hefur líka aukist gríðarlega; á síðasta ári komu á þriðja hundrað slík rán, þar sem fólk frá þessum heimshluta á í hlut, til kasta lögreglunnar í borginni á meðan mannránin voru einungis 90 árið 1993.