Knattspyrnumaður skotinn til bana

Brasilíumenn eru harmi slegnir eftir að knattspyrnumaðurinn Claudinei Resende var skotinn til bana á næturklúbbi í heimaborg sinni Belo Horizonte á föstudaginn var. Svo virðist sem vinir Resende hafi lent í rifrildum við nokkra aðila á klúbbnum sem endaði með fyrrgreindum afleiðingum. Að sögn vinar Resende tók hann sjálfur engan þátt í rilfrildunum en náði ekki að forða sér í tæka tíð þegar byssan hófst á loft. Lögreglan í Brasilíu rannsakar málið og hefur nú þegar handtekið tvo menn sem eru grunaðir um ódæðið. Resende var 26 ára gamall og lék með America í Brasilíu. Hann var áður á mála hjá Helsingborg í sænsku úrvalsdeildinni en sneri aftur til síns heima eftir að samningi hans lauk þar.