Þýskir sóðar í Tékklandi

Tékkneska lögreglan ætlar að leita af handahófi í þýskum bifreiðum við landamæri Tékklands til að sporna við því að þeir fleygi rusli meðfram tékkneskum þjóðvegum. Ákveðið var að grípa til þessara ráðstafana þar sem það stórjókst að rusli væri fleygt meðfram vegum í norðurhluta landsins skammt frá landamærunum við Þýskaland, eftir að Tékkland gekk í Evrópusambandið. Í kjölfar þess var dregið úr eftirliti við landamærin. Að sögn yfirvalda í Tékklandi er sóðaskapur Þjóðverja viðvarandi vandamál.