Sex manna fjölskylda fundin

Sex manna fjölskylda frá Suður-Wales er komin í leitirnar eftir að hafa verið saknað frá heimili sínu í Cardiff í tvær vikur. Sky fréttastofan greinir frá því að fjölskyldufaðirinn, sem er 57 ára, hafi gengið inná lögreglustöð í suðurhluta Englands eftir að hafa séð auglýst eftir fjölskyldu sinni í dagblaði. Lögreglan taldi í fyrstu að maðurinn og rúmlega fertug kona hans hafi verið í útilegu með börnin fjögur, en ekki hafði verið látið vita af fjarveru barnanna í skólum þeirra. Börnin eru sextán ára, níu ára og sex ára gamlir tvíburar. Barnaverndaryfirvöld koma að rannsókn málsins en lögreglan hefur eftir föðurnum að fjölskyldan muni ekki snúa til Cardiff á ný og að hann vilji ekki að neinn viti hvar hún sé niðurkominn, enda fylgir það ekki frétt Sky fréttastofunnar.