Lækkar ekki tryggingagjald

Dómarinn í máli Michael Jackson hefur neitað að lækka tryggingargjald popparans. Til þess að öðlast frelsi fram að réttarhöldunum verður Jackson því að borga 3 milljónir dollara. Dómarinn sagði að upphæðin væri vel viðráðanleg fyrir popparann. Thomas Mesereau, lögmaður Jackson, bað dómarann um að lækka gjaldið þar sem það væri "gróflega hátt" miðað við aðra sakborninga sem hafa fengið svipaðar kærur á hendur sér. Saksóknari krafðist þess hins vegar að gjaldið yrði hátt vegna þess að annars væri aukinn hætta á því að Jackson myndi hreinlega flýja land, í stað þess að eiga í hættu að lenda í ævilöngu fangelsi. Þeir bentu svo á að ekkert benti til þess að popparinn ætti erfitt með að borga upphæðina. Samkvæmt bókunum eiga réttarhöldin að hefjast 13. september næstkomandi, en það þýðir að lögfræðingar þurfa að klára að finna kviðdómendur fljótlega. Næsta mæta lögfræðingar málsins fyrir dómara á föstudaginn í næstu viku, en Jackson má sleppa því að mæta.