5 ára drengur týndist í Danmörku

Fimm ára drengur frá Hróarskeldu hvarf í meira en fjórtán tíma í gær en fannst heill á húfi við dýragarðinn í Klampenborg. Samkvæmt frétt dagblaðs í Hróarskeldu fór drengurinn ungi í göngutúr með öldruðum frænda sínum á sunnudagsmorgun. Þegar ekkert hafði frést af þeim klukkan rúmlega tvö settu foreldrar sig í samband við lögregluna. Strákurinn og frændinn fundust svo við dýragarðinn heilir á húfi en þeir höfðu ekkert látið vita af ferðum sínum. Lögreglan í Hróarskeldu segir frændann vera sjúkling á spítala í nágrenninu.