Fyrsta stjórnarskráin samþykkt

Skálað var í kampavíni í Brussel í gærkvöld þegar leiðtogar Evrópusambandsríkja náðu samkomulagi um fyrstu stjórnarskrá sambandsins. Bertie Ahern, forsætisráðherra Írlands sem fer með formennsku í ráðherraráði Evrópusambandsins, sagði þennan áfanga sögulegan fyrir Evrópu og alla íbúa álfunnar. Næsta verkefni leiðtoganna er að finna arftaka Romanos Prodis í formennsku framkvæmdastjórnarinnar en stefnt er að því að útnefna hann í lok þessa mánaðar. Síðan á eftir að koma í ljós hvort íbúar aðildarríkjanna samþykki hina nýju stjórnarskrá sem borin verður undir atkvæði í fjölda aðildarríkja.